Idman.biz
ABŞ üzgüçülük yığması qarışıq 4x100 metr kompleks estafet yarışında dünya rekordunu yeniləyib.
İdman.Biz xəbər verir ki, buna 2026-cı il Sakit Okean çempionatında imza atılıb.
İrvayn şəhərində keçirilən yarışda ABŞ komandası Will Modglin, Van Mathias, Gretchen Walsh və Kate Douglassın iştirakı ilə məsafəni 3 dəqiqə 36,70 saniyəyə qət edib.
Beləliklə, ABŞ-lilər 2024-cü il Paris Yay Olimpiya Oyunlarında müəyyənləşdirilmiş dünya rekordunu yeniləyiblər. Həmin vaxt ABŞ komandası 3 dəqiqə 37,43 saniyə nəticə göstərib.
Qeyd edək ki, qarışıq 4x100 metr kompleks estafetində komandalar iki kişi və iki qadın üzgüçüdən ibarət olur.
