Idman.biz
"Barselona"nın yarımmüdafiəçisi Frenki de Yonq komandanın yeni mövsümdəki çıxışı ilə bağlı gözləntilərini bölüşüb.
İdman.Biz bildirir ki, "Barselona" ötən mövsüm İspaniya çempionu olub.
"Biz özümüzə inanırıq. Düşünürəm ki, möhkəm heyətimiz var və onu daha da yaxşılaşdırmaq üçün əla iş görürük. Hər il daha da güclənirik. Biz gənc komandayıq, amma artıq bir sıra titullar qazanmışıq. İddialıyıq və daha çox qələbə qazanmaq istəyirik.
Bütün yarışlarda oynamağı səbirsizliklə gözləyirik. Son illərdə kuboklar qazanırıq, amma bəzi məqsədlərimiz hələ də yerinə yetirilməyib. Hər il hər şeyi qazanmaq istəyirik və Çempionlar Liqası bizim üçün xüsusi bir bənddir", - deyə de Yonq "Barselona" komandasının rəsmi saytında bildirib.
