Idman.biz
"Şükürlər olsun ki, qızıl medal qazandım".
İdman.biz bildirir ki, bu sözləri AZƏRTAC-a açıqlamasında III MDB Oyunlarında fəxri kürsünün ən yüksək pilləsinə qalxan Azərbaycanın yunan-Roma güləşçisi Elşad Abbasov (51 kiloqram) deyib.
Finalda belaruslu Tsimafey Semianenkanı üstələyən idmançı nəticəyə görə xoşbəxt olduğunu bildirib: "Üzərimdə əziyyəti olan hər kəsə təşəkkür edirəm. Daha ciddi uğurlar qazanmaq istəyirəm".
Gələcək hədəflərindən də söz açan gənc idmançı əlavə edib: "Ən böyük hədəfim Olimpiya çempionu olmaqdır".
Qeyd edək ki, MDB Oyunlarına oktyabrın 8-də yekun vurulacaq.
