Report.az
Azərbaycanın yunan-Roma güləşçisi Abdurrahman Hüseynli (45 kq) Şimali Makedoniyanın paytaxtı Skopyedə təşkil olunan Avropa çempionatında rəqiblərinə asanlıqla qalib gəlib.
Güləşçi bu barədə "Report"a açıqlamasında bildirib.
O, çempionluq yolunda ciddi çətinlik çəkmədiyini deyib:
"Çox güclü yarış idi. Amma rəqiblərimə asanlıqla qalib gəldim. Birinci görüşdə ukraynalı rəqibimi 9:0 məğlub edərək 1/4 finala finala çıxdım. Burada moldovalı idmançını 8:0 məğlub edərək yarımfinala yüksəldim və rusiyalı güləşçiyə 9:2 hesabı ilə qalib gəldim. Gürcüstanlı rəqibimlə final görüşü çox asan keçdi və 9:0 hesablı qələbə qazanaraq bayrağımızı dağlandırdım".
Güləşçi növbəti hədəfinin qarşıdan gələn dünya çempionatında yaxşı nəticə əldə etmək olduğunu söyləyib:
"Yığmadakı toplanışı uğurla başa vurmuşdum və çempion olacağıma inanırdım. Növbəti hədəfim qarşıdan gələn U-15 dünya çempionatının qalibi olmaqdır. Hazırlaşıb daha yaxşı nədələr qazanmaq lazımdır".
Qeyd edək ki, Azərbaycanın yunan-Roma güləşçiləri U-17 Avropa çempionatını 2 qızıl, 1 gümüş və 2 bürünc medalla başa vurub. Abdurrahman Hüseynli (45 kq) və Rihad İbrahimli (110 kq) Avropa çempionu olublar. Əli Nəzərov (60 kq) gümüş medal əldə edib. Qurban Məcnunovla (48 kq) Nicat Yeylaqaliyev (80 kq) isə üçüncü yeri tutub.
Millimiz 116 xalla komanda hesabında üçüncü olub.
