Idman.biz
Niderlandın Alkmaar şəhərində keçirilən batut gimnastikası üzrə "Dutch Trampoline Open" beynəlxalq turnirində gimnastımız uğurlu nəticə əldə edib.
İdman.Biz xəbər verir ki, fərdi proqramda ölkəmizi təmsil edən Selcan Mahsudova 56.580 xalla qızıl medal qazanaraq turnirin qalibi olub.
Bundan əlavə, Selcan Mahsudova yarış zamanı ən çətin proqramı təqdim edən qadın idmançı kimi xüsusi kuboka da layiq görülüb.
Gimnastımızı bu uğuru münasibətilə təbrik edir və gələcək yarışlarda da uğurlar arzulayırıq.
