Monako: İlahə Quliyeva Azərbaycan rekordunu yenilədi, Lamiyə Vəliyeva və Səkinə Hacızadə də medal qazandı

Bu gün Monakoda atletika üzrə Avropanın kiçik ölkələrinin çempionatı keçirilib.

İdman.Biz bildirir ki, Kiçik Avropa Dövlətləri Atletika Assosiasiyasının təşkilatçılığı və Avropa Atletikasının dəstəyi ilə baş tutan yarışda 17 ölkədən 300-ə yaxın idmançı mübarizə aparıb.

"II Lui" stadionunda keçirilən çempionatda milli komandamızın üzvləri uğurlu çıxışla yadda qalıb. Lamiyə Vəliyeva 100 metr məsafəyə qaçışda 11.91 saniyə göstərici ilə 2-ci yeri tutub.

400 metr məsafəyə qaçışda İlahə Quliyeva 54.64 saniyə nəticə ilə bürünc medal qazanıb. Quliyeva bu göstərici ilə Azərbaycan rekordunu da yeniləyib.

Nüvəitələmə növündə isə Səkinə Hacızadə 12.78 metr nəticə ilə 3-cü olub.

Lamiyə Vəliyeva, İlahə Quliyeva, Safiya Kərimova və Fəridə Rzayevadan ibarət komandamız isə İsveç estafetində bürünc medallara sahib çıxıb.

21:27

Daha bir Azərbaycan atleti Monakoda keçirilən Avropanın Kiçik Ölkələrinin Çempionatında uğurla çıxış edib.

İdman.Biz bildirir ki, milli komandamızın üzvü Lamiyə Vəliyeva 100 metr məsafəyə qaçış növündə 11.91 san nəticə göstərərək 2-ci yerə layiq görülüb.

16:20

Azərbaycan atleti Səkinə Hacızadə Monakoda keçirilən Avropanın Kiçik Ölkələrinin Çempionatında uğurla çıxış edib.

İdman.Biz xəbər verir ki, bu barədə Azərbaycan Atletika Federasiyası məlumat yayıb.

Bildirilib ki, nüvəitələmə növündə mübarizə aparan milli komandamızın üzvü üçüncü yerə layiq görülüb.

Bürünc medal qazanan atlet 12.78 metr nəticə göstərib.