Sport24.az
"Millimiz bu qrupda uğurlu çıxış edə bilmədi. Amma o da nəzərə alınmalıdır ki, millinin heyəti yenidən formalaşır. Baş məşqçi hamıya şans verdi. Elə oyunçu yoxdur ki, ona dəvət göndərməsin". Bu sözləri Sport24.az-a açıqlamasında futzal üzrə millinin sabiq üzvü Namiq Məmmədkərimov deyib.
Veteran futzalçı millimizin qitə birinciliyinin final mərhələsində iştirakını təmin etmiş Xorvatiyaya qarşı 1:4 məğlubiyyətini şərh edib:
"Xorvatiya ilə oyunda təcrübəsizlik və oyun azlığı sözünü dedi. Yığmamıza dəstək olmalıyıq. Gələcəkdə strategiya və yanaşmanı dəyişməliyik. Gözləməli deyilik ki, hansısa yarış olsun, yığışaq. İldə bir neçə yoxlama görüşü keçirməliyik. Ölkə xaricində oyunların sayını çoxaltmalıyıq. Təbii ki, ölkə çempionatını da gücləndirmək lazımdır. Futzalçılar klublarında üzərlərində işləyib artırmalıdırlar. Konkret desək, Xorvatiya ilə oyunda təcrübə və özünəinam yox idi".
Qeyd edək ki, 5-ci qrupda Xorvatiya 18 xalla liderdir. Yunanıstan və İsveç 7 xalla 2-ci və 3-cü yerləri bölüşürlər. Azərbaycan isə 2 xalla sonuncu - 4-cüdür.
Yığmamız bunadək İsveçlə görüşlərdə 1 dəfə uduzub (3:4), 1 dəfə heç-heçə edib (3:3), Yunanıstanla matçlarda da 1 dəfə məğlub olub (2:3), 1 dəfə heç-heçə edib (2:2).
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
