Sport24.az
"Rumıniya yığması tam heyətlə Bakıya gəlməsə də, onlar Minifutbolun Braziliyası hesab olunur". Bu sözləri Sport24.az-a açıqlamasında Azərbaycan millisinin sabiq qapıçısı Davud Kərimi deyib.
O, Azərbaycanın minifutbol üzrə milli komandasının dünya çempionatının 1/8 final mərhələsində son dünya çempionu Rumıniya qarşı keçirəcəyi oyunla bağlı fikirlərini bölüşüb:
"Çox çətin oyun olacaq. Amma millimizə güvənirəm. Futbolçularımızın oyunu alınsa, qarşısında rəqibin kimliyindən asılı olmayaraq hamını məğlub etməyə qadirdir. Qrupda ən çətin oyunumuz Bəhreynə qarşı oldu. İlk matç idi deyə təzyiq və həyəcan hiss olunurdu. Çempionatda çox güclü rəqiblər var. Yığmamızın potensialı dünya çempionu olmağa imkan verir".
Qeyd edək ki, bu keçiriləcək qarşılaşma saat 20:30-da başlanacaq. Bu, günün üçüncü matçı olacaq.
