top
Futzal üzrə milli komandanın keçmiş baş məşqçisi: Azərbaycanda yenidən işləmək arzusundayam - MÜSAHİBƏ Idman.biz
18 aprel 2025, 13:13
- +

Futzal üzrə milli komandanın keçmiş baş məşqçisi: "Azərbaycanda yenidən işləmək arzusundayam" - MÜSAHİBƏ

Futzal üzrə Azərbaycan millisinin və "Araz-Naxçıvan" komandasının keçmiş baş məşqçisi Joze Alesionun AZƏRTAC-a müsahibəsi

- Azərbaycanda keçirdiyiniz günləri necə xatırlayırsınız?

- Azərbaycanla bağlı çoxlu xoş xatirəm var. Həmişə deyirəm ki, Azərbaycan Braziliyadan sonra ikinci vətənim, mənə qucaq açan ölkədir. Məşqçi karyeram elə oradan başladı. Yaxşı dostlar və həyatımın sonuna kimi özümlə aparacağım nailiyyətlər qazandım. İndi də özümü azərbaycanlı kimi hiss edirəm.

- Ölkəmizdə sizin üçün ən yaddaqalan hadisə nə olub?

- Yaddaqalan hadisələr çoxdur. Amma 2009-cu ildə Avropa çempionatında 4-cü olmağımızı xüsusi qeyd edə bilərəm. Şübhəsiz ki, bu nəticə tarixdə öz izini qoydu. Portuqaliya ilə keçirilmiş oyunun əsas vaxtı 3:3 hesablı heç-heçə ilə başa çatmışdı. Yalnız penaltilər seriyasında məğlub olduq. Finala çıxmaq şansımız var idi. Bu, Azərbaycan futzal tarixində indiyədək yaşanmayan hadisə idi.

- Maraqlıdır, milli komandadakı uğurunuzun sirri nə idi?

- Birinci ildəki bu uğur layihəyə və işimə inanan, çətin anlarımda mənə dəstək olan, yaxşı iş görmək üçün bizə hər zaman şərait yaradan federasiya rəhbərliyindən və futzalçılardan aldığım böyük dəstəklə bağlıdır. Hər zaman komanda idman növündə oyunçuların əhəmiyyətindən danışıram. Futzalçılar nəticələrə və məşqçinin verdiyi tapşırıqlara məsuliyyətlə yanaşmalıdırlar.

- Uzun müddət Azərbaycanda işləmisiniz. Ölkəmiz yaddaşınızda hansı xoş izləri buraxıb?

- On üç il Azərbaycanda işləmişəm. Bakıda özümü evimdəki kimi hiss edirdim. Ailəmə göstərilən qayğıya görə hər zaman minnətdar olacağam.

- Azərbaycanda olan dostlarınızla əlaqə saxlayırsınız?

- İşlərimiz çox olduğundan tez-tez əlaqə saxlamaq olmur. Amma fürsət tapdıqca, danışdığım insanlar var. Ad çəkmək istəmirəm. Çünki onların hamısının adlarını burada yaza bilməyəcəyəm (gülür).

- Hazırda Qazaxıstanda "Ordabası" klubunun baş məşqçisi kimi fəaliyyətinizi davam etdirirsiniz. Qazaxıstan ilə Azərbaycan futzalını necə müqayisə edərdiniz?

- Qazaxıstan futzalı hazırda öndədir. Onların çox rəqabətli çempionatı var. Milli və klub səviyyəsində aşağı yaş qruplarından ibarət komandalar var və buna görə də son vaxtlar gözəl nəticələr əldə edirlər.

- Yenidən Azərbaycana qayıtmaq istərdiniz?

- Nə vaxtsa federasiyadan dəvət olsa, geri qayıtmaq istərdim. Çünki bu, mənim hər zaman məqsədim olub. Arzum Azərbaycan futzalını həmişə ən yüksək yerlərdə görməkdir.

- Hazırda Azərbaycan millisində legionerlər çıxış etmirlər. Millinin nəticələri əvvəlki illərlə müqayisədə elə də yaxşı deyil. Bəziləri bunu heyətdə braziliyalı oyunçuların olmaması ilə əlaqələndirir. Sizin bu məsələyə münasibətiniz necədir?

- Millinin oyunlarını izləyirəm. Bəli, bilirəm ki, artıq braziliyalılar yoxdur. Bu hadisənin nə vaxtsa olacağı gözlənilirdi. Mənə görə, nəticələrin belə olması liqanın zəifləməsi ilə bağlıdır. Klublarda gənc oyunçular çox azdır. Amma inanıram ki, federasiya rəhbərliyinin öz planı var və Azərbaycan futzalını yenidən yüksək yerlərə qaytaracaq.

- Sabiq komandanız "Araz-Naxçıvan" barədə nə deyə bilərsiniz?

- "Araz Naxçıvan" Azərbaycan futzalında böyük tarixə malik ən titullu klubdur. Avropada böyük nailiyyətlər əldə edib. Unutmaq olmaz ki, komanda iki dəfə Çempionlar Liqasında üçüncü yeri tutub.

İdman.biz

Qarabağ FK

Son xəbərlər

Futbol
Dünən, 17:11

"Sabah" Namik Ələskərovla müqaviləni uzatmadı

Futbol
Dünən, 17:02

"Sabah" Namik Ələsgərovla müqaviləni yeniləmədi

Futbol
Dünən, 17:00

"İmişli" və Əcnəbi Məşqçi: Zəfər, yoxsa PR?

Futbol
Dünən, 17:00

Filip Ozobiçin "Neftçi"dən ayrılmasının səbəbi: Maaş anlaşılmazlığı

Futbol
Dünən, 16:55

Lionel Messi 38 yaşını qeyd edir: Rəqiblər belə onun formasını almaq istəyir

Basketbol
Dünən, 16:51

Azərbaycan U-16 qız basketbol millisi "Airom Cup"da növbəti qələbələrini qeyd edib

Basketbol
Dünən, 16:48

16 Yaşlı Qız Basketbolçulardan İbarət Azərbaycan Millisinin "Airom Cup" Turnirində Ardıcıl Qələbələri

Voleybol
Dünən, 16:40

"Azərreyl" kubalı voleybolçu Daima Del Rio Prevalı transfer etdi

Futbol
Dünən, 16:37

Siyasət Əsgərov "Fomget"lə oyun barədə fikirlərini bölüşüb

Cüdo
Dünən, 16:20

Azərbaycan yeniyetmə cüdoçuları Avropa çempionatında

Futbol
Dünən, 16:16

"Neftçi"nin baş məşqçisi "Fomget" ilə püşkatmadan sonra həyəcanını bölüşdü

Futbol
Dünən, 16:04

Ceyhun Sultanovdan müsahibə: "Yeməkpulu tapmırlar, Portuqaliyadan baş məşqçi gətirirlər"

Futbol
Dünən, 16:00

Filip Ozobiçin "Neftçi"dən ayrılmasının səbəbi: Maaş məsələsi

Tennis
Dünən, 15:52

Azərbaycanlı padelçi beynəlxalq turnirdə bürünc medal qazandı - FOTO

Tennis
Dünən, 15:44

Rəsul Qocayev "Crocus Fitness Sea Breeze International Padel Cup"da üçüncü olub

Voleybol
Dünən, 15:41

"Azərreyl" Kubalı Voleybolçunu Transfer Etdi

Futbol
Dünən, 15:39

"Neftçi" qadın futbol komandasının Çempionlar Liqasındakı rəqibi "Fomget" oldu

Tennis
Dünən, 15:34

Endi Marreyin heykəli "Uimbldon"da ucaldılacaq

Gimnastika
Dünən, 15:22

Gənclər arasında idman gimnastikası üzrə dünya çempionatına ev sahibliyi edəcək ölkə məlum olub

Futbol
Dünən, 15:20

"İmişli"nin əvəzedici komandasının baş məşqçisi Ruhid Usubov təyin edilib

Futbol
Dünən, 15:19

"Beşiktaş" Temmi Abrahamın transferi üçün danışıqlara başlayır

Boks
Dünən, 15:05

Rafael Fiziyev UFC yüngül çəki reytinqində ilk "10-luq"da

Futbol
Dünən, 15:00

Fərid Namazov "İmişli"dən ayrılma səbəblərini və gələcək planlarını açıqladı

Cüdo
Dünən, 14:55

Azərbaycan Yeniyetmələr arasında Avropa Çempionatına 19 Cüdoçu ilə Gedir

Oxşar xəbərlər