Idman.biz
"Bu gün qazanılan qələbə dövlət tərəfindən idmana göstərilən dəstəyin nəticəsidir".
İdman.biz xəbər verir ki, bunu jurnalistlərə açıqlamasında gənclər və idman naziri Fərid Qayıbov deyib.
Nazir bildirib ki, Bakıda keçirilən minifutbol üzrə dünya çempionatı yüksək səviyyədə təşkil olunub: "İlk dəfə Azərbaycanda minifutbol üzrə dünya çempionatı keçirildi. Bilirsiniz ki, bu idman növündə bizim kifayət qədər uğurlarımız var. Avropa çempionatının qalibi olmuşuq və dünya çempionatında dördüncü yeri tutmuşuq. Bu dəfə isə doğma divarlar arasında azarkeşlərin dəstəyi ilə çempion olduq. Təbii ki, bunun arxasında böyük zəhmət dayanır. Federasiyanın gördüyü işi xüsusilə qeyd etmək istərdim. Ölkəmizdə böyükmiqyaslı müxtəlif yarışlar keçirilir. Bu dəstəyin nəticəsidir ki, Azərbaycanda idman gündən-günə inkişaf edir və biz yeni qələbələrə sevinirik".
Qeyd edək ki, Azərbaycan komandası Milli Gimnastika Arenasında keçirilən final matçında Macarıstana 4:2 hesabı ilə qalib gələrək dünya çempionluğunu qazanıb.
Aytac Sahəd
İdman.biz
