Sport24.az
"Finalda Macarıstana qalib gələcəyimizə əmin idim. Amma hesabın bu cür olmasını gözləmirdim". Bu sözləri Sport24.az-a açıqlamasında Azərbaycan minifutbol yığmasının sabiq qapıçısı Davud Kərimi Bakıda keçirilən dünya çempionatında birinci olan milli komanda barədə danışarkən deyib.
Kərimi tarixi uğuru belə şərh edib:
"Bundan əvvəlki çempionatda Macarıstana məğlub olmuşduq. Bu dəfə onlardan revanş aldıq. Təşkilatçılıq yüksək səviyyədə idi. Məncə FİFA artıq bu cür təşkilatçılığı görüb Minifutbolu qəbul etməlidir. Bu qələbə Azərbaycan minifutbolunun inkişafında mühüm bir mərhələdir və ölkəmizin idman sahəsindəki uğurlarına yeni bir əlavədir. Milli komandamıza gəlincə, Bəhreynlə ilk matçda heç-heçə etdik. Lakin mən demişdim ki, bu cür turnirdə ilk görüşlər həyəcanlı olur. Yığmanın heyətində xüsusi olaraq kimisə fərqləndirmək istəməzdim. Elşad Quliyevin şans verdiyi bütün oyunçular meydanda sonadək vuruşdular. Döyüşkən ruhlu yığma görmək adamı çox xoşbəxt edir. Onlarla yalnız qürur duymaq lazımdır. Bu idman növü ölkəmizdə ildən-ilə inkişaf edir".
Qeyd edək ki, Azərbaycan millisi finalda Macarıstana 4:2 hesabı ilə qalib gələrək dünya çempionu olub.
