Report.az
Milli futzal komandamızın bu gün Lənkəranda Çexiya ilə keçirəcəyi 2028-ci il Dünya Çempionatının seçmə mərhələsində qalib gəlmək imkanı var.
Bunu “Report”-a açıqlamasında futzala mütəxəssis Elman Ələkbərov bildirib.
O, komandanın hazırlığını və meydanı vətəndaşı kimi qazandığı ilk qarşılaşmanı yüksək qiymətləndirib:
“Rəqiblə ilk matçda futzalıçılar pis oynamadılar. Məşqçi Elvin Quliyev oyunu çox yaxşı idarə edir. Çexiya zəif komanda deyil, heyətində 10-15 ildir birlikdə çıxış edən təcrübəli oyunçular iştirak edir. Azərbaycan millisinin heyəti isə gəncləşdirilib. Təcrübəsi çox olmasa da, futzalıçılar yaxşı təsir bağışlayır. Məncə, Lənkəranda qalib gəlməliyik. Qalib gəlmə ehtimalını 80%-ə 20% təqdir edirəm”.
O, gənc futzalıçılarda təcrübə qazanmasının vacib olduğunu qeyd edib:
“Gənclərə vaxt vermək lazımdır. Komanda ildə azı 7-8 dostluq görüşü keçirməlidir ki, oyunçular təcrübə qazansın. Daxili çempionatda komanda sayı azdır, keyfiyyət yüksək deyil. Bu səbəbdən gənc futzalıçılara diqqət yetirilməlidir, onların inkişafına investisiya qoyulmalıdır. Hətta uduzsaq belə bunu normal qarşılamalıyıq”.
Qeyd edək ki, Azərbaycan – Çexiya matçı bu gün saat 16:00-da Lənkəran Olimpiya İdman Kompleksində başlayacaq.
