Sport24.az
Misli Premyer Liqasının 26-cı turunun sonuncu oyun gününün ikinci qarşılaşması Zirədə baş tutacaq. Sport24.az xəbər verir ki, qəsəbənin eyniadlı təmsilçisi "doğma divarlar" arasında "Şamaxı"nı qəbul edir.
Bu görüş hər iki komanda üçün vacibdir. "Neftçi" hesabat həftəsini qalibiyyətlə başa vurduğundan "Zirə" artıq onların nəfəsini kürəyində hiss edir. Avrokuboklara vəsiqə qazanmağa çalışan "qartallar" bir qədər rahat nəfəs almaq üçün "şirlər"lə matçdan 3 xalla ayrılmalıdır. Qonaqlar isə qələbə qazanacağı halda turnir cədvəlində "Sumqayıt"ı keçərək 7-ci yerə yüksələ bilər.
Qeyd edək ki, matçın start fiti saat 17:15-də səslənəcək.
Misli Premyer Liqası
III dövrə, XXVI tur
17:15. "Zirə" - "Şamaxı"
Hakimlər: Elçin Məsiyev, Rahil Ramazanov, Teymur Teymurov, İnqilab Məmmədov
VAR: Rauf Cabarov
AVAR: Pərvin Talıbov
Hakim-inspektor: Munis Abdullayev
AFFA nümayəndəsi: Zaur Hacı-Məhərrəmov
Zirə. İdman Kompleksinin stadionu.
