Idman.biz
Rusiyanın "Zenit" klubu Azərbaycan millisinin futbolçusu Nigar Mirzəliyevaya yeni müqavilə təklif edib.
İdman.Biz "Report"a istinadən xəbər verir ki, bu barədə 23 yaşlı müdafiəçi məlumat verib.
Yığma üzvü hələlik qərar vermədiyini diqqətə çatdırıb:
"Yanvarda komandamız yeni mövsüm üçün toplanacaq. Klubla daha 1 illik müqaviləm qalıb. "Zenit" mənə yeni sözləşmə də təklif edib. Ancaq bununla bağlı hələlik qərara gəlməmişəm. Fikirləşdikdən sonra düzgün olan addımı atacağam".
N.Mirzəliyeva başqa təkliflərinin olduğunu da sözlərinə əlavə edib:
"Avropa ölkələrinin birində özümü inkişaf etdirmək istəyirəm. Yaxşı təklif olsa, düşünəcəyəm, dəyərləndirəcəyəm".
Qeyd edək ki, Nigar Mirzəliyevanın "Zenit"lə müqaviləsinin müddəti 2026-cı ilin sonunadək qüvvədədir.
