İdman.biz
"Bu gün Qarabağ" çətin olacaq".
Bunu İdman.bizə Azərbaycan millisinin sabiq futbolçusu Zaur Ramazanov deyib.
O, Çempionlar Liqasının lll təsnifat mərhələsində "Qarabağ"ın "Lüdoqorets"lə keçirəcəyi cavab matçını şərh edib. Veteran futbolçunun sözlərinə görə, bir çoxları "Lüdoqorets"i zəif klub kimi tanıtsa da, bolqarlar özlərini Bakıda heç də elə göstərməyiblər: "Komanda bizi yaxşı şəkildə analiz edib. "Qarabağ" ev matçında pis oyun nümayiş etdirmədi. Amma fürsətlərdən istifadə edib qol vurmağı bacarmadı. Ümid edirəm ki, Vətənə lazımı nəticə ilə geri dönərlər. "Qarabağ" bu rəqibə qalib gələ biləcək gücdədir".
Qeyd edək ki, "Lüdoqorets" - "Qarabağ" matçı bu gün Bakı vaxtı ilə 22:00-da baş tutacaq. Komandalar arasında ilk görüş rəqibin 2:1 hesablı qələbəsi ilə yekunlaşıb.
Banuçiçək Hüseynli
İdman.biz
