Sport24.az
"PRO" kateqoriyalı məşqçi kursları ilə bağlı bizdən tələb olunurdu ki, xarici komandaların birində təcrübə keçək. Bu səbəbdən Türkiyənin ""Başakşəhər" klubunun baş məşqçisi Nuri Şahinin və "Beşiktaş"ın akademiyasında təcrübədə oldum". Bu sözləri Sport24.az-a açıqlamasında "Zaqatala"nın baş məşqçisi Rüstəm Məmmədov deyib.
Mütəxəssis "PRO" kateqoriyalı məşqçi kursları çərçivəsində Türkiyəyəyə səfər etməsi ilə bağlı fikirlərini bölüşüb:
"Nuri Şahinlə aramızda səmimi söhbət oldu. Mehriban insandır. Məşqlərini kənardan izləyirdim, yaxınlaşdı, mənimlə görüşdü. Onun Avropa təcrübəsi də var deyə, ondan xeyli məsləhətlər aldım. Komandasından nə istəyir, hədəfləri haqda müzakirələrimiz oldu. Sağ olsun, dedi nə vaxt lazım olsa, gələ bilərsən. Məni çox gözəl qarşıladılar və yola saldılar".
Baş məşqçi daha sonra "Beşiktaş"ın futbol akademiyasına yollandığını da vurğulayıb:
"Eyni qarşılanmanı orda da gördüm. Beynimdə hansı sual var idisə, çox gözəl şəkildə cavab verirdilər. Azərbaycan və Türkiyənin akademiyaları arasında fərq maliyyədədir Bizdə bir mövsümü fikirləşib nəsə edə biliriksə, onlar daha çox gələcəyə baxırlar".
