Sport24.az
"Sayılmayan qol epizodunda dördüncü hakim Elvin Bayramova narazılığımı bildirdim. Mənə görə həmin epizodda qayda pozuntusu yox idi". Bu sözləri Sport24.az-a açıqlamasında "Turan Tovuz"un məşqçisi Yunis Hüseynov bildirib.
Mütəxəssis Azərbaycan Kubokunda "Kəpəz"lə matçda (1:0) ikinci sarı vərəqəni alaraq texniki zonadan qovulması barədə danışıb:
"Narazılıqdan sonra köməkçi hakim baş hakim Əli Əliyevə dedi ki, "gəl, Yunis Hüseynova sarı vərəqə ver". Bundan sonra hakimə dedim ki, "rahatlaşdın?".
Hüseynov baş məşqçi Kurban Berdıyevin də birbaşa qırmızı vərəqə almasına toxunub:
"Kurban Berdiyev illərdir baş məşqçi işləyir. Karyerası ərzində 2 dəfə qırmızı vərəqə alıb, ikisi də Azərbaycanda. Həmin epizodda Berdiyevin gözünün qarşısında tər-təmiz cərimə zərbəsi verilmədi. İstər-istəməz baş məşqçi də, biz də əsəbiləşirik. Ümumiyyətlə, oyun zamanı məşqçilər korpusu əsəbi olur. Bəlkə də biz səhv, hakimlər düz edir. Amma oyundan sonra videogörüntüdə izləyirsən ki, həmin epizod cərimə zərbəsidir. Mənə görə, Kurban Berdiyevə verilən vərəqə yalnış qərar idi".
