Idman.biz
"Real Madrid"in baş məşqçisi Xabi Alonso İspaniya Superkubokunun yarımfinalında "Atletiko Madrid"lə qarşılaşacaqları matçdan əvvəl komandasının cinah hücumçusu Vinisius Junior haqqında danışıb.
İdman.Biz bildirir ki, oyun yanvarın 8-də olacaq.
"Qarşıda uzun bir mövsüm var və Vini vacib olacaq. Bizə oyundan zövq alan, ən yaxşı formada olması lazımdır. Bunu edəndə bizə qığılcım verir. Biz onu tapmalıyıq. O, bizim üçün fundamental oyunçudur", - deyə Sport.es Alonsonun sözlərini sitat gətirir.
Xatırladaq ki, braziliyalı oyunçu İspaniya liqasında "Betis" üzərində 5:1 hesablı qələbə qazanılan oyunda əvəzetmə zamanı "Los Blancos" azarkeşləri tərəfindən fitə basılıb.
Vinisius Junior 2017-ci ilin yayından bəri "Real Madrid"də çıxış edir. Cinah hücumçusu bu mövsüm klubun heyətində 25 oyunda meydana çıxıb, beş qol vurub və səkkiz məhsuldar ötürmə edib.
