Sport24.az
"Barselona"nın prezidenti olmağa namizəd Viktor Font yaxın gələcəkdə Erlinq Haalandın kluba cəlb olunacağına ümid edir. Sport24.az xəbər verir ki, o, bunu platformasının əsas məqamlarından birinə çevirib.
Jurnalist Karlos Monfortun sözlərinə görə, Kataloniya klubunda prezident seçkiləri martın 15-də keçiriləcək və Fontun nümayəndələri norveçli ulduzun mümkün transferi ilə bağlı artıq "Mançester Siti" rəhbərliyi ilə görüşüb. Məsələ hələ konkretləşməsə də, Joan Laportanın rəqibi hücumçunu "Barselona"ya gətirməkə israrlıdır.
Qeyd edək ki, Haallandın klubla müqaviləsi 2034-cü ilə qədərdir. "Transfermarkt" portalı hücumçunun dəyərini 200 milyon avro qiymətləndirir. "Real"ın da 25 yaşlı futbolçu ilə maraqlandığı deyilir.
