Sport24.az
"Strasburq"un argentinalı yarımmüdafiəçi Valentin Barko karyerasını "Çelsi"də davam etdirəcək. Sport24.az xəbər verir ki, bu barədə insayder Fabrisio Romano "X" sosial media hesabında paylaşım edib.
Mənbənin sözlərinə görə, 22 yaşlı futbolçunun transferi tam razılaşdırılıb. O, tezliklə rəsmən "Çelsi"nin oyunçusu kimi təqdim olunacaq.
"Transfermarkt" portalı Barkonun dəyərini 40 milyon avro qiymətləndirir. Futbolçu 2025-ci ilin yayında "Brayton"dan "Strasburqa" keçib.
Qeyd edək ki, yarımmüdafiəçi 2025/26 mövsümündə bütün turnirlərdə 43 oyunda iştirak edib, 3 qol vurub və 9 məhsuldar ötürmə edib. O, DÇ-2026-da Argentinanın İordaniyanı 3-1 hesabı ilə məğlub etdiyi görüşdə 19 dəqiqə meydanda olub.
