Idman.biz
"Sabah" futbol komandasının baş məşqçisi Valdas Dambrauskas komandadan ayrılaraq Türkiyənin "Fənərbağça" klubuna rəhbərlik edə bilər.
İdman.Biz İtaliyanın "TuttoMercatoWeb" nəşrinə istinadən xəbər verir ki, İstanbul təmsilçisi 49 yaşlı litvalı mütəxəssislə fəal danışıqlar aparır və onunla üçillik müqavilə imzalamaq imkanını nəzərdən keçirir.
Bildirilir ki, tərəflər arasında təmaslar intensivləşib və danışıqlar yekun mərhələyə yaxınlaşıb.
Hazırda 2029-cu ilə qədər nəzərdə tutulan müqavilə müzakirə olunur. Razılaşma əldə edilərsə, Dambrauskas rəhbərliyi altında tarixində ilk dəfə Çempionlar Liqasının əsas mərhələsinə yüksələn "Sabah"dan ayrılacaq.
"Fənərbağça"nın litvalı mütəxəssisə marağı təyinatından dörd ay sonra baş məşqçi vəzifəsini tərk edən İsmayıl Kartalın gedişindən sonra yaranıb.
Qeyd edək ki, Valdas Dambrauskas 2025-ci ildən "Sabah"a rəhbərlik edir. Onun başçılığı altında komanda Azərbaycan çempionatının və ölkə kubokunun qalibi olub, cari mövsümdə isə Çempionlar Liqasının əsas mərhələsində debüt edib.
