Sport24.az
UEFA İngiltərə Premyer Liqası üçün yeni maliyyə qaydaları ilə bağlı ciddi narahatlığını bildirib. Sport24.az xəbər verir ki, qitənin ali futbol qurumu hesab edir ki, qarşıdan gələn dəyişikliklər İngiltərə Premyer Liqası ilə qitənin digər liqaları arasındakı iqtisadi fərqi ciddi şəkildə artıra bilər.
Növbəti mövsümdən İngiltərə klubları gəlirlərinin 85 faizinə qədərini heyətlərinə xərcləməyə imkan verən xərclərə nəzarət sistemini tətbiq edəcək. Bəzi hallarda isə bu hədd 115 faizə çata bilər. Müqayisə üçün bildirək ki, UEFA qaydalarına əsasən, Avropa klub yarışları üçün 70 faizlik limit müəyyən edib.
UEFA rəsmilərinin fikrincə, bu cür qaydalar dünyanın ən yaxşı oyunçularını İngiltərəyə yönəldəcək. Premyer Liqa artıq Avropa futbol gəlirlərinin dörddə birini öz əlinə alıb. UEFA İngiltərə Premyer Liqasının artan gücü fonunda digər ölkələrdən olan klubların rəqabət qabiliyyətini qorumaq üçün əsassız maliyyə risklərinə gedəcəyindən qorxur.
