Türkiyə Superliqası: "Fənərbağça" liderlə xal fərqini minimuma endirdi, "Trabzonspor" səfərdə qələbə qazandı

İdman.Biz xəbər verir ki, Superliqanın 18-ci turunda "Fənərbağça" səfərdə əzmkar qələbə qazanıb.

Ev sahibi "Alanyaspor" erkən qolla sevinib. Hesabı üçüncü dəqiqədə Floran Haderconaj açıb. "Fənərbağça"nın cavab qolu özünü çox gözlətməyib. Taliska doqquzuncu dəqiqədə ilk qolunu vurub. 27-ci dəqiqədə "Alanyaspor" Makoutanın qolu ilə hesabda önə çıxıb. 52-ci dəqiqədə isə "Fənər" Musabanın qolu ilə hesaba tarazlıq gətirib. 78-ci dəqiqədə Taliska özünün ikinci, komandanın isə qləbə qolunu vurub.

Qələbə sayəsində "Fənərbağça" lider "Qalatasaray"la arasındakı xal fərqini birə endirib. Hazırda "Fənər" 42 xalla turnir cədvəlində ikincidir. "Alanyaspor" isə 21 xalla 10-cu pillədədir.

21:55

Türkiyənin "Trabzonspor" klubu Superliqanın 18-ci turunda səfərdə "Kocaelispor"u 2:1 hesabı ilə məğlub edib.

İdman.Biz xəbər verir ki, güclü qar yağması altında keçirilən qarşılaşma son dəqiqələrə qədər böyük gərginliklə davam edib.

Hesabı 18-ci dəqiqədə meydan sahiblərinin hücumçusu Bruno Petkoviç açıb. Xorvatiyalı futbolçu bununla da mövsümdə altıncı qolunu vurub.

Qonaqlar 44-cü dəqiqədə Felipe Auqustonun qolu ilə tarazlığı bərpa ediblər. Matçın taleyini isə əlavə vaxtda Ernest Muçi həll edib. 90+1-ci dəqiqədə topu qəbul edən albaniyalı futbolçu dəqiq zərbə ilə "Trabzonspor"a qələbə qazandırıb.

Bu nəticədən sonra "Kocaelispor" 23 xalda qalıb və liqada öz meydanında səkkiz oyunluq məğlubiyyətsizlik seriyasına son qoyub. "Trabzonspor" isə xallarının sayını 38-ə yüksəldərək üçüncü pillədə mövqeyini qoruyub.

21:40

Türkiyənin "Gənclərbirliyi" klubu Superliqanın 18-ci turunda öz meydanında "Samsunspor"la heç-heçə edib.

İdman.Biz xəbər verir ki, qarşılaşma 1:1 hesabı ilə yekunlaşıb.

Oyunda hesab 38-ci dəqiqədə qonaq komandanın hücumçusu Marius Muan­dim­ladjinin qolu ilə açılıb. Paytaxt təmsilçisi isə 60-cı dəqiqədə Seku Koitanın dəqiq zərbəsi ilə tarazlığı bərpa edib.

Bu nəticədən sonra məğlubiyyətsiz oyunlar seriyasını dörd matça yüksəldən "Gənclərbirliyi"nin xalı 19-a çatıb. Üç turdan sonra xal qazanan "Samsunspor" isə 26 xalla mövqeyini möhkəmlədib.

17:43

Türkiyə Superliqasının 18-ci turu çərçivəsində "Kasımpaşa" "Antalyaspor"u qəbul edib.

İdman.Biz xəbər verir ki, tərəflər meydanda hərəyə bir xalla ayrılıblar. Oyun meydan sahiblərinin üstünlüyü şəraitində keçsə də, qapılara qol vurulmayıb.

18 oyundan sonra 16 xal toplayan "Kasımpaşa" turnir cədvəlində 15-ci yerdədir. "Antalyaspor" isə eyni xalla 14-cüdür.