Sport24.az
Azərbaycan millisinin üzvü Toral Bayramov karyerasını Türkiyədə davam etdirəcək. Sport24.az xəbər verir ki, "Bursaspor" mayın 25-də 25 yaşlı futbolçu ilə müqavilə imzalayıb.
"Timsahlar"ın baş məşqçisi hazırda türkiyəli mütəxəssis Mustafa Erdir.
Maraqlıdır ki, "Bursaspor" tarixində daha əvvəl də bir azərbaycanlı futbolçu – Namik Ələskərov çıxış edib.
Yarımmüdafiəçi 2021/2022 mövsümündə Bursa təmsilçisinin formasını geyinmişdi. Həmin mövsümün gedişində, 2022-ci ilin mart ayında komandanın baş məşqçi postuna məhz Mustafa Er gətirilib.
Lakin tərəflərin əməkdaşlığı uğursuz alınıb. Mövsümün sonunda "Bursaspor" Türkiyə 1-ci Liqasını 17-ci pillədə başa vuraraq 2-ci Liqaya yuvarlanmışdı. Beləliklə, Mustafa Er dönəmi Namik Ələskərov üçün uğursuz xatirələrlə yadda qalmışdı və o, daha sonra "Sabah"a transfer oldu.
İndi isə eyni baş məşqçi ilə bu dəfə Toral Bayramov çalışacaq. Azərbaycanlı futbolsevərlər üçün əsas sual budur: Namikin yaşadığı uğursuz ssenari təkrarlanacaq, yoxsa Toral "Bursaspor"da fərqli tarix yazacaq?
Qeyd edək ki, Toral Bayramov klubla 3 illik müqavilə imzalayıb.
