Idman.biz
"Yuventus" İtaliya A Seriyasının 24-cü turunda doğma meydanda "Latsio" ilə bərabərə qalıb.
İdman.Biz xəbər verir ki, görüş 2:2 hesabı ilə yekunlaşıb.
45+2-ci dəqiqədə Pedro Rodriges hesabı açıb. 47-ci dəqiqədə Qustav İsaksen qonaqların üstünlüyünü artırıb. 59-cu dəqiqədə "Yuventus"un oyunçusu Ueston Makkenni fərqi azaldıb.
Oyunun son saniyələrində, 90+6-cı dəqiqədə Pyer Kalulu bərabərlik qolunu vuraraq komandasını məğlubiyyətdən xilas edib.
Bu nəticədən sonra "Yuventus" 24 matçdan topladığı 46 xalla turnir cədvəlinin dördüncü pilləsindədir. "Latsio" isə 33 xalla səkkizinci sırada qərarlaşıb.
23:03
"İnter" İtaliya A Seriyasının 24-cü turunda səfərdə "Sassuolo"nu böyük hesabla məğlub edib.
İdman.Biz xəbər verir ki, qarşılaşma qonaqların 5:0 hesablı qələbəsi ilə başa çatıb.
Hesabı 11-ci dəqiqədə Yann Bissek açıb. 28-ci dəqiqədə Markus Tyuram fərqi artırıb. İkinci hissədə 50-ci dəqiqədə Lautaro Martines üçüncü qolu vurub. Bundan üç dəqiqə sonra Manuel Akanji dördüncü topu rəqib qapısından keçirib.
54-cü dəqiqədə meydan sahiblərinin yarımmüdafiəçisi Nemanya Matiç qırmızı vərəqə alaraq komandasını azlıqda qoyub. 85-ci dəqiqədə isə Luis Enrike yekun nəticəni müəyyənləşdirib – 0:5.
Qeyd edək ki, müdafiəçi Federiko Dimarko bu görüşdə üç məhsuldar ötürmə ilə yadda qalıb.
Beləliklə, "İnter" 24 matçdan sonra 58 xal toplayaraq turnir cədvəlinin lideridir. "Sassuolo" isə 29 xalla 11-ci pillədə qərarlaşıb.
20:14
İtaliyanın "Leççe" klubu A Seriyasının 24-cü turunda doğma meydanda "Udineze"ni qəbul edib.
İdman.Biz xəbər verir ki, qarşılaşma meydan sahiblərinin 2:1 hesablı qələbəsi ilə yekunlaşıb.
Ev sahiblərinin heyətində qolları beşinci dəqiqədə Omri Qandelman və 90-cı dəqiqədə Lamek Banda vurublar. Qonaqlarda isə penalti zərbəsini Omar Solet dəqiq yerinə yetirib.
Bu nəticədən sonra "Leççe" xallarını 21-ə çatdıraraq turnir cədvəlində 17-ci pilləyə yüksəlib. "Udineze" isə 32 xalla 9-cu sırada qərarlaşıb.
17:45
İtaliya A Seriyasının 24-cü turunda "Bolonya" və "Parma" komandaları arasında keçirilən görüşə qonaqlar 1:0 hesabı ilə qalib gəlib.
"Bolonya" 22-ci dəqiqədən etibarən azlıqda oynayıb. 79-cu dəqiqədə "Parma" da azlıqda qalıb.
İdman.Biz xəbər verir ki, matçda yeganə qol uzatma dəqiqələrində vurulub. "Parma"nın futbolçusu Kristian Ordonez fərqlənib.
Qələbədən sonra "Parma" xallarını 26-ya çatdıraraq 14-cü sıraya yüksəlib. "Bolonya" isə 30 xalla 10-cudur.
