Sport24.az
AFFA və "Regional İnkişaf" İctimai Birliyinin birgə təşkilatçılığı ilə Şəkidə yerləşən uşaq evlərinin 9-12 yaş arası oğlan və qızlardan ibarət komandaları arasında UEFA Uşaqlar Fondunun (UEFA Foundation for children) 10 illik yubileyinə həsr olunmuş minifutbol turniri təşkil olunub. Sport24.az xəbər verir ki, açılış mərasimində çıxış edən AFFA-nın Kütləvi Futbol Departamentinin rəhbəri Fərrux İsmayılov belə tədbirlərin uşaqların futbola marağını artırmaq və onların fiziki inkişafını dəstəkləmək baxımından mühüm rol oynadığını vurğulayıb.
Daha sonra AFFA-nın Sosial və ətraf mühit dayanıqlığı üzrə meneceri Kifayət Mustafayeva çıxışında bu cür layihələrin uşaqların sosial bacarıqlarının inkişafına, onların bərabər imkanlar mühitində özlərini ifadə etmələrinə və cəmiyyətə daha fəal inteqrasiya olunmalarına mühüm töhfə verdiyini bildirib.
"Regional İnkişaf" İctimai Birliyinin şöbə müdiri Aqşin Oruclu ictimaiyyət arasında idmana marağın artırılması, gənc nəslin fiziki cəhətdən sağlam böyüməsi məqsədilə birliyin həyata keçirdiyi layihələrdən danışıb.
Yarışın sonunda qalib komandalar AFFA və "Regional İnkişaf" İctimai Birliyinin nümayəndələri tərəfindən mükafatlandırılıblar. Eyni zamanda, turnirdə iştirak edən bütün uşaqlara AFFA tərəfindən idman geyimləri və ləvazimatları hədiyyə olunub.
Qeyd edək ki, turnirin təşkilində əsas məqsəd uşaq evlərində yaşayan uşaqların fiziki və sosial inkişafını dəstəkləmək, onların idmana marağını artırmaq, sağlam həyat tərzini təşviq etmək, komanda ruhunu gücləndirmək və cəmiyyətə inteqrasiyasını stimullaşdırmaqdır.
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
