Sport24.az
Bu gün Birinci Liqada 14-cu tura start verilir. Sport24.az xəbər verir ki, ilk oyun günündə 3 qarşılaşma baş tutacaq.
Hesabat həftəsinin mərkəzi görüşü heç şübhəsiz ki, bu gün "Bayıl Arena"da keçiriləcək. Hazırda aktivində 25 xal olan "Səbail" "doğma divalar" arasında 31 xalla turnir cədvəlinin zirvəsində qərarlaşan "Şəfa"nı qonaq edir. Hər iki komanda üçün oyunun əhəmiyyəti böyükdür. Meydan sahibləri qalib gələcəyi təqdirdə liderlə xal fərqini azaldacaq və çempionluq uğrunda mübarizədə "mən də varam" deyərək yola davam edəcək. "Şəfa" qələbə qazanacağı halda əsas rəqiblərindən bir qədər də uzaqlaşacaq və "qızıl"ı qazamaq yönündə ciddi addım atacaq.
Qeyd edək ki, oyunun start fiti saat 17:00-da səslənəcək.
I Liqa
II dövrə, XIV tur
17:00. "Səbail" - "Şəfa"
Hakimlər: Rəşad Əhmədov, Orxan İbişov, Mirnihad Seyidov, Nahid Xasıyev
Hakim-inspektor: Babək Quliyev
AFFA nümayəndəsi: Elçin Mehtiyev
Bakı. "Bayıl Arena".
