Sport24.az
Mövsüm başa çatmasa da, "Şamaxı" legionerinə yeni müqavilə təklif edib. Sport24.az-ın əldə etdiyi məlumata görə, "şirlər" Brahim Konateni 2025/26 "futbol ili"ndə də heyətində görmək istəyir.
Fransalı yarımmüdafiəçi isə qarşı tərəfdən düşünmək üçün vaxt istəyib. Bizə çatan bilgiyə əsasən, o, həmçinin bəzi paytaxt klublarının da maraq dairəsinə düşdüyündən bölgə təmsilçisinin yeni təklifini dəyərləndirməyə tələsmir.
Qeyd edək ki, 29 yaşlı legioner cari mövsümdə "Şamaxı"nın heyətində ümumilikdə 26 oyuna çıxıb. Hazırda onun aktivində 7 qol və 2 məhsuldar ötürmə var.
