Sport24.az
Azərbaycan klublarının 2026/2027 mövsümündə UEFA-dan indiyədək əldə etdiyi zəmanətli gəlir müəyyənləşib. Sport24.az xəbər verir ki, ölkə təmsilçiləri bu günə olan göstəricilərə əsasən ümumilikdə 22,9 milyon avro qazanmağı təmin ediblər.
Bu məbləğin böyük hissəsi UEFA Çempionlar Liqasının əsas mərhələsinə vəsiqə qazanan "Sabah"ın payına düşür. "Bayquşlar" indiyədək 20,2 milyon avro zəmanətli gəlir əldə ediblər.
Digər üç klubumuzun – "Qarabağ", "Zirə" və "Neftçi"nin ümumi qazancı isə 2,7 milyon avro təşkil edir.
Beləliklə, "Sabah" təkbaşına Azərbaycan klublarının UEFA-dan təmin etdiyi ümumi gəlirin təxminən 88 faizini formalaşdırır. Bu göstərici ölkə çempionunun avrokuboklarda qazandığı tarixi uğurun maliyyə tərəfinin də kifayət qədər böyük olduğunu göstərir.
