Sport24.az
DÇ-2026 üçün Panama millisinin yekun heyətinə dəvət alan "Turan Tovuz"un futbolçusu Roderik Miller klubun mətbuat xidmətinə açıqlama verib. Sport24.az xəbər verir ki, 34 yaşlı müdafiəçi xoşbəxt olduğunu deyib:
"Dünya çempionatına dəvət almaq karyeramın ən xoşbəxt və qürurverici anlarından biridir. Allaha, ailəmə, "Turan Tovuz"a, komanda yoldaşlarıma və məni həmişə dəstəkləyən bütün azarkeşlərə təşəkkür etmək istəyirəm. Ölkəmiz üçün hər şeyi verəcəyimə söz verirəm.
"Turan Tovuz" bu nailiyyətimdə çox mühüm rol oynadı, çünki mən burada həm oyunçu, həm də insan kimi çox böyüdüm. Bu ana çatmağımda kömək edən etibar və dəstəyə görə kluba, məşqçilər heyətinə, komanda yoldaşlarıma və azarkeşlərə çox minnətdaram.
Panama və "Turan Tovuz" azarkeşlərinə həmişə mənə göstərdiyi bütün dəstək və sevgiyə görə təşəkkür etmək istəyirəm. Hər ikisini Dünya kubokunda böyük qürurla təmsil edəcəyəm və əlimdən gələn hər şeyi edəcəyəm".
