Sport24.az
"Real"ın keçmiş oyunçusu Roberto Karlos klubdakı ən yaxşı komanda yoldaşının adını çəkib. Sport24.az xəbər verir ki, braziliyalı ulduz bu barədə qonaq olduğu "The Obi One" podkastında danışıb:
"Mənim üçün bu, Bekhemdir. Zidan ən yaxşı oyunçu idi. Amma Bekhem təkcə mənim dostum deyildi, həm də hamı üçün nümunə idi. O, təkcə oyunlarda deyil, həm də məşqlərdə ən yaxşı idi. O, mümkün qədər çox hərəkət etməyə, hər zaman qaçmağa çalışırdı. Eyni zamanda inanılmaz ötürmələr edirdi. Bütün qəlbi ilə oynayırdı.
Başa düşürəm ki, insanlar Ronaldonu, Raulu, Luiş Fiqonu və digərlərini də xatırlayırlar. Mənim üçün Bekhem ən sabit oyunçu idi. O, həmişə komanda üçün oynayırdı. Devid təkcə hücumda deyil, həm də müdafiədə çox çalışırdı. O, komandanın ehtiyac duyduğu hər şeyi edirdi. Bəlkə də bütün azarkeşlər bunu hiss etmirdi. Amma komandadakı hər kəs onun necə səylə çalışdığını hiss edirdi".
