Rəhman Daşdəmirov: “Millətlər Liqası hazırlıq matçında qalib gəlmək üçün tam hazırıq”

Azərbaycan millisinin müdafiəçisi Rəhman Daşdəmirov Tacikistan yığması ilə keçiriləcək yoxlama oyunu öncəsi fikirlərini bölüşüb.

İdman.Biz xəbər verir ki, futbolçu mətbuat konfransında rəqib komandanın ətraflı təhlil edildiyini bildirib.

"Tacikistan nə istədiyini bilən komandadır. Biz də rəqibin oyununu yaxşı analiz etmişik. Baş məşqçimiz Ayxan Abbasovun verdiyi tapşırıqları meydanda düzgün yerinə yetirməyə çalışacağıq. İstəyimiz qalib gəlmək və xalqımızı sevindirməkdir", - deyə Daşdəmirov vurğulayıb.

Müdafiəçi qarşılaşmanın Millətlər Liqasına hazırlıq baxımından əhəmiyyətini də qeyd edib:

"Bu, Millətlər Liqasının oyunları öncəsi son hazırlıq matçımızdır. Ona görə də görüşə ciddi yanaşırıq.

"Əsas məsələ sabahkı oyundur. Ona köklənmişik. Digər rəqiblər də bizim gücümüz səviyyəsindədir. Maksimum nəticə qazanmağa çalışacağıq. Bütün oyunlarda qalib gəlmək şansımız var".

Daşdəmirov Valdas Dambrauskasın Litva millisinin baş məşqçisi ilə dostluğunun Azərbaycan yığması barədə məlumat əldə etmələrinə təsir edib-etməyəcəyi ilə bağlı suala da cavab verib:

"Mən də şəxsən baş məşqçi ilə danışmışam. Güclü tərəflərimizi qeyd etdi. Düşünürəm ki, onun deyə biləcəyi elə də xüsusi bir şey yoxdur. Mənə dedi ki, siz daha yaxşısınız. Özü üçün də maraqlı olacaq. Bizim haqqımızda nə deyə bilər? Deyəcək ki, mübariz komandayıq".

Qeyd edək ki, Azərbaycan – Tacikistan yoldaşlıq oyunu sentyabrın 23-də 8-ci km qəsəbə stadionunda keçiriləcək. Qarşılaşma saat 20:00-da başlayacaq.