Idman.biz
"Real Madrid" futbol klubunun hücumçusu Vinisius Junior braziliyalı influenser və sahibkar Virciniya Fonsekadan ayrılıb.
İdman.Biz xəbər verir ki, bu barədə EFE agentliyi məlumat yayıb.
Fonsekanın nümayəndələri yerli nəşrlərə açıqlamalarında cütlük arasında "nə mübahisənin, nə də münaqişənin olduğunu" bildiriblər. Onların sözlərinə görə, tərəflər sadəcə artıq birlikdə olmamaq qərarına gəliblər.
Vinisiusla Fonsekanın münasibətləri ötən il başlayıb. May ayında cütlük ilk dəfə ayrılıb. Lakin klublararası dünya çempionatı başa çatdıqdan sonra futbolçu və influenser Aralıq dənizində yaxtada birlikdə görüntüləniblər.
Bu, onların yenidən barışdığını təsdiqləyib. Bir aydan bir qədər çox əvvəl isə onlar nişan üzüklərini bir-birlərinə təqdim ediblər.
Ötən həftəsonu Vinisius "Vilyarreal"la matçda meydandan qovulması ilə də diqqət mərkəzinə düşüb. Braziliyalı futbolçu rəqibinin saçından dartıb və bundan sonra qırmızı vərəqə alıb. Həmin epizodda onun vurduğu qol da qeydə alınmayıb.
