Report.az
İspaniyanın "Real" klubu İngiltərə təmsilçisi "Arsenal"ın müdafiəçisi Vilyam Salibanı transfer etmək üçün rekord məbləğ ödəmyə hazırdır.
"Report" "Sport.es"ə istinadən xəbər verir ki, Madrid klubu bu transfer üçün Premyer Liqa təmsilçisindən müsbət cavab alıb.
23 yaşlı futbolçunun "Arsenal"la müqaviləsinin müddəti 2027-ci ilə qədərdir. İspaniya klubu oyunçu üçün 100 milyon avro ödəməyə hazırdır. Bu reallaşarsa, müdafiəçi transferi üçün bütün rekordları qıracaq.
Qeyd edək ki, fransalı müdafiəçi 2019-cu ildən "Arsenal"ın formasını geyinir. "Transfermarkt" portalı futbolçunun dəyərini 80 milyon avro qiymətləndirir.
