Idman.biz
İspaniyanın "Real" futbol komandasının yarımmüdafiəçisi Federiko Valverde yeni baş məşqçi Joze Mourinyo barədə fikirlərini bölüşüb.
İdman.Biz xəbər verir ki, uruqvaylı futbolçu portuqaliyalı mütəxəssislə işləməyin onun üçün xüsusi təcrübə olduğunu bildirib. Valverde məşqçinin onlardan tələb etdiyi hər şeyi yerinə yetirməyə hazır olduqlarını vurğulayıb.
"Mourinyo möhtəşəmdir. Hər gün ondan nəsə öyrənməyə çalışıram. Məşqçi nə istəyirsə, onu edəcəyəm. Biz Mourinyo üçün sonadək mübarizə aparacağıq", - deyə Valverde söyləyib.
Valverde bildirib ki, Mourinyonun futbolçularla münasibəti onun gözlədiyindən daha yaxındır:
"O, bu klub üçün xüsusi məşqçidir. Onun belə olacağını gözləmirdim. Jozenin bizimlə çox yaxın münasibəti var. Bəzən ciddi olur, amma düşünürəm ki, məhz bu, bizim inkişaf etməyimizə kömək edir".
Uruqvaylı yarımmüdafiəçi "Ferensvaroş"la yoxlama oyunundan sonra da Mourinyo ilə ilk həftələrdə komandanın intensiv çalışdığını və baş məşqçinin istədiyi oyun dinamikasını qurmağa çalışdıqlarını qeyd edib.
Qeyd edək ki, "Real" Budapeştdə keçirilən yoxlama görüşündə "Ferensvaroş"a qalib gəlib.
