Sport24.az
"Liverpul"un mərkəz müdafiəçisi İbrahima Konate karyerasını İspaniyada davam etdirə bilər. Sport24.az insayder Nikolo Skiraya istinadən xəbər verir ki, "Real" artıq fransız futbolçuya təklif göndərib.
Mənbənin sözlərinə görə, "Kral klubu" 26 yaşlı müdafiəçiyə 2031-ci ilin yayına qədər sözləşmə təklif edib. İspanlar oyunçunu bu yay azad agent kimi transfer edə biləcəklərinə ümid edir.
Konatenin "Liverpul"la hazırkı müqaviləsi isə bu ilin iyununda başa çatır. Fransız futbolçu ilə ingilis klubu arasında müqavilənin uzadılması ilə bağlı danışıqların dayandırıldığı və bu yöndə heç bir ciddi irəliləyişin olmadığı bildirilir.
Qeyd edək ki, Konate bu mövsüm "Liverpul"un heyıtində bütün turnirlərdə 31 oyunda meydana çıxıb və iki qol vurub.
