İdman.biz
Azərbaycan millisinin futbolçusu Rahil Məmmədovun formasını geyindiyi LKS baş məşqçisiz qalıb.
İdman.biz xəbər verir ki, komanda çalışdırıcısı Marçin Matisyakla vidalaşıb.
Buna 40 yaşlı mütəxəssisin aşağı diviziona yuvarlanan LKS-də qalmaq istəməməsi səbəb olub.
Matisyak LKS-ni Polşa çempionatında cəmi 13 oyuna çıxarıb. Komanda bu matçların 3-də qələbə qazanıb, 2 heç-heçə edib. Digər 8 qarşılaşmada isə məğlub olub.
Qeyd edək ki, LKS 33 turdan sonra 21 xalla sonuncudur və növbəti mövsüm aşağı liqada oynayacaq. Məmmədovun komandası son turda "Stal"ı qonaq edəcək.
İdman.biz
