Sport24.az
"Qarabağ"ın üç futbolçusu Avropa Liqasının 2023/2024 mövsümü üçün tərtib olunan statistik göstəricilərdə ön sıralarda qərarlaşıb. Sport24.az UEFA-nın rəsmi saytına istinadən xəbər verir ki, ağdamlıların hücumçusu Olavio Juninyo 5 qolla bombardirlər siyahısında 5-14-cü yerləri bölüşdürür. Braziliyalı forvard "çərçivə"yə dəqiq zərbələrdə (11) isə 5-7-ci sıralarda yer alb.
Qurban Qurbanovun komandasının yarımmüdafiəçisi Julio Romao ikili mübarizələrdən ən çox qalib ayrılan ikinci oyunçudur. Braziliyalı legioner yarış ərzində 28 dəfə buna müvəffəq olub.
"Süvarilər"in qapıçısı Andrey Lunyov isə turnirdə seyv sayında (44) ikincidir.
Qeyd edək ki, "Atalanta" finalda "Bayer" üzərində 3:0 hesabı ilə qələbə qazanaraq Avropa Liqasının qalibi olub.
