"Qarabağ" ev oyunlarında tamaşaçı sayına görə lider olub, "Araz-Naxçıvan" isə sonuncu

"Qarabağ" Misli Premyer Liqasının 2025/2026 mövsümündə ev oyunlarında azarkeş sayına görə lider olub. Sport24.az Peşəkar Futbol Liqasına istinadən xəbər verir ki, son mövsümün oyunlarını ümumilikdə 285 min 778 tamaşaçı izləyib.

Nəticəsi ləğv olunan "İmişli" – "Sumqayıt" matçı nəzərə alınmaqla baş tutan 198 görüşdə orta göstərici 1443-ə bərabər olub.

Ən çox seyrçi XXVIII turun "Qarabağ" – "Sabah" görüşündə qeydə alınıb. Aprelin 18-də Tofiq Bəhramov adına Respublika stadionunda keçirilən qarşılaşmada 17 min 338 izləyici olub. Bu komandaların eyni arenada baş tutan XXII turdakı matçı siyahıda ikincidir. Martın 1-də baş tutan oyunu 10 min 361 tamaşaçı seyr edib.

Ən çox izləyici toplayan iki matçın ev sahibi olan "Qarabağ" öz meydanındakı oyunlardakı tamaşaçı sayında da 1-ci olub. Ümumilikdə 51 min 167 tamaşaçı toplayan Ağdam klubunun orta göstəricisi 3010-a bərabər olub.

"Neftçi" tamaşaçı sayında 2-ci yeri tutub – 44 min 693 (orta göstərici – 2793). İlk "üçlüy"ü "Sumqayıt" qapayıb – 39 min 560 (orta göstərici - 2473)

KLUB TAMAŞAÇI OYUN ORTA

1. Qarabağ 51167  17  3010

2. Neftçi 44693 16  2793

3. Sumqayıt 39560  16  2473

4. Turan Tovuz 34550  16  2159

5. Karvan-Yevlax 27380  17  1611

6. Sabah  23623  17  1390

7. Şamaxı 18150  17  1068

8. Kəpəz 13150  16  822

9. Zirə 12350  17  726

10. Qəbələ  9670  16  604

11. İmişli  7765  16  485

12. Araz-Naxçıvan  3720  17  219

Cəmi 285778 198 1443