Report.az
Türkiyə Super Liqasının IX turunun derbi matçında "Qalatasaray" öz meydanında "Fənərbağça" ilə qarşılaşıb.
"Report" xəbər verir ki, matç meydan sahiblərinin 2:1 hesablı qələbəsi ilə başa çatıb.
"Qalatasaray"a qələbə qazandıran qolları Viktor Osimhen 29 və 44-cü dəqiqələrdə vurub.
"Fənərbağça"nın yeganə qoluna İrfan Can Kahveci 62-ci dəqiqədə imza atıb.
Bu nəticədən sonra xallarını 22-yə çatdıran "Qalatasaray" liderliyini qoruyub saxlayıb. Liqada 3-cü dəfə məğlubiyyətlə üzləşən "Fənərbağça"nın isə 16 xalı var.
Gələn həftə "Qalatasaray" "Konyaspor"a səfər edəcək, "Fənərbağça" isə evdə "Göztəpə" ilə qarşılaşacaq.
