Sport24.az
Bu gün Sumqayıtda Premyer Liqa uğrunda pley-off matçı keçiriləcək. Sport24.az xəbər verir ki, "SOCAR Polymer Arena"da başa çatan mövsümdə Premyer Liqanı 11-ci pillədə başa vuran "Qəbələ" ilə I Liqanın ikincisi "Mingəçevir" üz-üzə gələcək.
Heç şübhəsiz ki, kağız üzərində matçın favoriti nominal meydan sahibləridir. Ancaq unutmayaq ki, futbol sürprizlərlə dolu oyundu. Xüsusilə bir görüşdən ibarət pley-off matçları. Odur ki, bu gün Sumqayıtda maraqlı və gərgin qarşılaşma olacağına heç kim şübhə etmir.
Qeyd edək ki, görüşün start fiti saat 18:30-da səslənəcək.
Premyer Liqa uğrunda pley-off matçı
28 may
18:30. "Qəbələ" - "Mingəçevir"
Hakimlər: Tural Qurbanov, Cəmil Quliyev, Asiman Əzizli, İnqilab Məmmədov
VAR: Rəvan Həmzəzadə
AVAR: Teymur Teymurov
Hakim-inspektor: Rəhim Həsənov
AFFA nümayəndəsi: Elçin Mehtiyev
Sumqayıt. "SOCAR Polymer Arena" 18:30
