Lent.az
İngiltərə Futbol Assosiasiyası (FA) 2025-ci ilin fevral ayından 2026-cı ilin fevral ayına qədər olan rəqəmləri açıqlayıb. Bu rəqəmlərə görə, həmin dövrdə Premyer Liqa klubları agentlərə 460 milyon funt sterlinqdən çox pul köçürüb.
Lent.az-ın xarici mediaya istinadən xəbərinə görə, "Çelsi" agentlərə 65 milyon funt sterlinq ödəyərək bu göstəricidə hamını qabaqlayıb.
Siyahıda növbəti yerdə agentlərə 38,4 milyon funt sterlinq xərcləyən "Aston Villa" qərarlaşıb. Onları "Mançester Siti" (37,36 milyon funt sterlinq), "Liverpul" (33,88 milyon funt sterlinq), "Arsenal" (32,15 milyon funt sterlinq), "Mançester Yunayted" (31,78 milyon funt sterlinq), "Vulverhempton" (25,96 milyon funt sterlinq), "Tottenhem" (21,38 milyon funt sterlinq) və digərləri izləyir.
"Bernli" Premyer Liqa klubları arasında sonuncu yeri tutaraq agentlərə 12 ay ərzində 7,36 milyon funt sterlinq ödəyib.
Futbol Assosiasiyası həmçinin bildirib ki, Çempionşip klubları bu dövrdə agent haqlarına 69,7 milyon funt sterlinq xərcləyiblər. Birinci Liqa komandaları üçün bu rəqəm 14 milyon funt sterlinq, ikinci liqa komandaları üçün isə 2,6 milyon funt sterlinq olub.
