Idman.biz
"Marsel"in prezidenti Pablo Lonqoriya klubun baş məşqçi Roberto De Dzerbi ilə uzunmüddətli tərəfdaşlığa sadiq olduğunu açıqlayıb.
İdman.Biz xəbər verir ki, bu barədə məlumatı "Marsel" klubunun rəsmi saytı yayıb.
"Roberto De Dzerbi ilə bağlı vəziyyət çox aydındır. Biz onun uzun illər məşqçi kimi qalmasını istəyirik. Mən onun uzun müddət məşqçi olmasını istəyirəm. Onun işindən məmnunam. O, "Marsel" üçün ideal məşqçidir. Adamı yaxından tanıdıqca, onunla işləmək istəyim hər gün daha da güclənir.
O, görkəmli mütəxəssisdir. İndi, mövsümün ortasında, gələcək haqqında danışmağın vaxtı deyil. Vaxtı çatanda onunla açıq söhbətimiz olacaq. O, artıq fransızca danışmağa başlayır. O, mühitə uyğunlaşır və gələcəyə baxmaq istəyir. Biz Robertonun ambisiyalarına uyğunlaşmalıyıq", - Lonqoriya "Marsel" klubunun rəsmi saytına bildirib.
Hazırda "Marsel" Liqa 1-in turnir cədvəlində üçüncü yerdədir.
