Sport24.az
İngiltərənin "Nyukasl" klubu "Monako"nun yarımmüdafiəçisi Aladji Bamba ilə bağlı razılığa gəlib. Sport24.az xəbər verir ki, bu barədə insayder Fabrisio Romano "X" sosial şəbəkə hesabında paylaşım edib.
Mənbənin sözlərinə görə, transferin ümumi dəyəri 41 milyon avro təşkil edir. Futbolçu şəxsi müqavilə şərtlərini qəbul edib və tibbi müayinədən keçmək üçün İngiltərəyə yollanıb.
Bildirilir ki, tərəflər uzunmüddətli müqavilə imzalayacaq. Razılaşmaya əsasən, "Monako" oyunçunun gələcək satışından 15 faiz pay əldə edəcək.
Transferin qısa müddətdə rəsmən açıqlanacağı gözlənilir.
