Sport24.az
Nyu-Yorkun Times meydanında Canni İnfantinonun yenidən FİFA prezidenti seçilməsinə qarşı çıxan banner peyda olub. Sport24.az xəbər verir ki, bu barədə "Daily Mail" qəzeti məlumat yayıb.
Bannerdə "FİFA satıcı yox, liderə layiqdir" şüarı var. Bannerdə həmçinin "İnfantino ilə birlikdə" heşteqi də yer alıb.
İyulda İnfantinonun FIFA-nın bayrağı altında keçirilən əsas kişi və qadınlar turnirlərinə nəzarət paketinin "Forward Enterprise" adlı bir şirkətə satdığı barədə xəbərlər yayılıb. Ali futbol qurumunun satışdan 4,2 milyard dollar əldə edəcəyi bildirilirdi.
UEFA, KONKAKAF, Asiya Futbol Konfederasiyası və KONMEBOL bu təşəbbüsə qarşı çıxıb. İnfantinoya isə Afrika Futbol Konfederasiyası, Argentina Futbol Assosiasiyası və bir sıra milli federasiyalar dəstək verib.
Qeyd edək ki, 56 yaşlı İnfantino 2016-cı ilin fevralından FİFA-ya rəhbərlik edir. Qurumun növbəti prezident seçkilərinin 2027-ci ilin martında Mərakeşdə keçirilməsi planlaşdırılır.
