Idman.biz
"Neftçi" heyətini daha bir futbolçu ilə gücləndirib.
İdman.biz Sportinfo.az-a istinadən xəbər verir ki, "ağ-qaralar" uzun müddətdir danışıq apardığı qapıçı ilə razılıq əldə edib.
Bu, ötən mövsüm Super Liqa təmsilçisi "Antalyaspor"un şərəfini qorumuş, Bosniya və Herseqovina millisinin qapıçısı Kenan Piriçdir.
Türkiyəli həmkarımızın verdiyi məlumata görə, Kenanla qardaş ölkə klubları yaxından maraqlanır.
Lakin o, "Neftçi"nin şərtlərinin daha sərfəli və iddiaların yüksək olduğunu bildirərək Azərbaycana üz tutmağa qərar verdiyini deyib.
Piriç bu gün, uzağı sabah hazırda Polşada toplanışda olan kollektivə qoşulacaq.
"Ağ-qaralar" yay fasiləsində Sessi D"Almeyda (son klubu "Apollon Limassol"), Luis Ortis ("Sportivo Ameliano"dan icarəyə götürülüb), Elvin Bədəlov (son klubu "Sumqayıt"), Murad Xaçayev (son klubu "Sumqayıt"), İqor Ribeyro ("Araz-Naxçıvan"), İmad Faraj (son klubu "AEK Larnaka"), Freddi Varqas ("Makkabi"dən (İsrail, Netanya icarəyə götürülüb), Cordan Rezabala (son klubu "Dorados") və Kristian Kostinlə (son klubu "Dinamo" Buxarest, Rumıniya) güclənib.
İdman.biz
