Idman.biz
Azərbaycan milli komandasının hücumçusu Musa Qurbanlı Sportal.az saytına açıqlama verib.
O, AFFA-nın Ayxan Abbasovu millinin baş məşqçisi təyin etməsi ilə bağlı fikirlərini bölüşüb:
"Ayxan Abbasov millinin baş məşqçisi təyin olunmasını xoş qarşıladım. Yığmada yerli baş məşqçinin işləməsi bizim üçün də xoşdur. Biz də Ayxan müəllimə güvənirik. Qısa müddətdə gəldi, Ukrayna ilə oyundan öncə, bir gün vaxtı var idi. Komandanı yaxşı hazırladı. Ən azından xal qazana bildik. Millidə yerli məşqçinin olması bizim üçün də faydalı olacaq, bir-birimizi daha yaxşı başa düşəcəyik. Hər halda, bizi ayrı-ayrılıqda daha yaxşı tanıyır. Hamımızın istedadına, xarakterinə yaxşı bələddir. Ayxan müəllimə də uğurlar arzulayıram. Allah qoysa, onun özü və millimiz üçün uğurlu olar. Məşqçimizə güvənirik. Çalışacağıq ki, uğurlu nəticə qazanaq."
Yığma komandamızın forvardı DÇ-2026-nın seçmə mərhələsi çərçivəsində Fransa (10 oktyabr) və Ukrayna ilə (13 oktyabr) görüşdən gözləntilərini bölüşüb: "Rəqibin gücünü özünüz də bilirsiz. Nəsə deməyə ehtiyac da görmürəm. Maksimum mübarizə aparıb, əzmkarlıq göstərməyə çalışacağıq. Xüsusilə də, Fransa ilə görüşdə əzmkarlıq göstərmək lazımdır. 90 dəqiqə mübarizə aparacağıq."
