Sport24.az
"Krasnodar"ın məşqçisi Murad Musayev noyabr və dekabr ayları üçün Rusiya Premyer Liqasının ən yaxşı məşqçisi seçilib. Sport24.az xəbər verir ki, bu barədə Liqanın mətbuat xidməti Telegram kanalında məlumat yayıb.
Musayev cari mövsümdə artıq ikinci dəfə bu mükafata layiq görülüb.O, oktyabrda da ayın ən yaxşı məşqçisi seçilmişdi.
"Krasnodar" noyabr və dekabr aylarında üç qələbə və iki heç-heçə ilə edərək turnir cədvəlində birinci yeri qoruyub saxlayıb və qış fasiləsinə ardıcıl üçüncü mövsüm lider kimi yollanıb. "Zenit" ikinci yerdədir, "Lokomotiv" isə ilk üçlüyü tamamlayır.
Qeyd edək ki, Rusiya Premyer Liqasında mövsüm fevralın sonunda davam edəcək. "Qara-yaşıllar" 19-cu turda evdə "Rostov"la qarşılaşacaq.
