Idman.biz
"Barselona" qış transfer pəncərəsində "Benfika"nın müdafiəçisi Nikolas Otamendini almaqda çətinlik çəkəcək.
İdman.Biz "Mundo Deportivo"ya istinadən xəbər verir ki, Kataloniya klubu 37 yaşlı argentinalı futbolçunu transfer etməyi düşünür, lakin "Benfika"nın baş məşqçisi Joze Mourinyo klub rəhbərliyindən oyunçu ilə müqavilənin uzadılması barədə danışıqları mümkün qədər tez başa çatdırmağı xahiş edib.
Portuqaliyalı baş məşqçi, bu yolla oyunçunun "blauqrana"ya keçməsinin qarşısını almaq niyyətindədir.
Nikolas Otamendi 2020-ci ildən bəri "Benfika"dadır, həmin vaxt o, "Mançester Siti"dən 15 milyon avroya transfer olub. Onun Lissabon klubu ilə hazırkı müqaviləsi 30 iyun 2026-cı ilə qədərdir. Müdafiəçi bu mövsüm 32 oyun keçirib, üç qol vurub və dörd məhsuldar ötürmə edib.
