Idman.biz
Rumıniya millisinin keçmiş baş məşqçisi Mirça Luçesku 80 yaşında vəfat edib.
İdman.Biz bildirir ki, bu barədə rumıniyalı jurnalist Emanuel Roşu məlumat verib.
"Faciəvi xəbər. Mirça Luçesku 15 dəqiqə əvvəl vəfat etdi.
O, geridə bütün bir kainatı qoyub getdi. Tanrı o dünyasını versin. İki həftədən az bir müddət əvvəl, xəstəliyinə baxmayaraq, Rumıniya milli komandasını Türkiyəyə qarşı dünya çempionatı seçmə mərhələsinin pley-off matçına çıxarıb", - Roşu yazıb.
20:17
Rumıniyalı mütəxəssis Mirça Luçeskunun əməliyyatı məşqçinin fiziki vəziyyəti səbəbindən baş tutmayacaq.
İdman.Biz xəbər verir ki, bu barədə jurnalist Emanuel Roşu X sosial media saytında xəstəxana nümayəndələrinə istinadən bildirib.
Mənbənin məlumatına görə, hərtərəfli müayinə zamanı ağciyərlərə təsir edən insult və qan dövranı problemləri də aşkar edilib. Həkimlərin son məlumatlarına görə, planlaşdırılan ECMO (ekstrakorporal membran oksigenləşməsi) əməliyyatı baş tutmayacaq, çünki Luçeskunun bədəni belə mürəkkəb prosedura tab gətirmək üçün çox zəifdir.
Mütəxəssis Rumıniya milli komandasının məşqi zamanı vəziyyəti pisləşdikdən sonra xəstəxanaya yerləşdirilib. Ona kəskin miokard infarktı diaqnozu qoyulub və 5 aprel bazar günü vəziyyəti pisləşib və Luçesku süni komaya yerləşdirilib.
